بابا فضل دین سائیں
) رجسٹرار ہائی کورٹ (
قلندر پاک یسارو یمین فضل دین بابا سائیں
کیتا روشن دین ، مبین، فضل دین بابا سائیں
عالم، فاضل، کامل جہدے علم دا انت ناں کوئی
علم و عمل تے زہد عبادت، حدوں ودھ یکسوئی
عشق نبی دا چولا پایا ، شرع شریف دی لوئی
ساڈے لئی وی کرو دعائیں، فضل دین بابا سائیں
عالم فاضل مسئلے پچھدے پاوندے راہنمائی اے
ایڈا فیض روحانی ملدا کمی نہ ایتھے کائی اے
تونسے پاک دا لنگر جاری سب نے موج منائی اے
ساڈے تے وی کرم کمائیں ، فضل دین بابا سائیں
علم شریعت ، علم طریقت ،علم حقیقت تے ہے عبور
عشق نبی وچ اکھاں رہندیاں ہر ویلے بے حد مخمور
بدن مبارک بن خوشبوئوں جیویں لائی ہووے سندور
ساڈی وی توں لج نبھائیں ، فضل دین بابا سائیں

سوہنا مکھڑا بابا جی دا سیاں ویکھن آئیاں نیں
رج رج ویکھن تے خوش ہوون رحمتاں جھڑیاں لائیاں نیں
اللہ سوہنے آساں ایتھے سب دیاں آن پجائیاں نیں
کر دیو ساڈیاں دُور بلائیں ، فضل دین بابا سائیں
بھٹی قوم توں صدقے جاواں کیتے جیس اُجالے نیں
دین نبی دی خدمت کر کے گھر گھر دیوے بالے نیں
فقہ ، حدیث ، قرآن فقر دے چشمے خوب نکالے نیں
آپ تے راضی رسولِ امیں فضل دین بابا سائیں
پیر اقبالؔ بھتیجا ہے جو بیٹھا رونق لائی اے
فیض روحانی بابا جی دا جاندا ایہہ ورتائی اے
کرے دعا تے خیراں ہوون رحمت رب فرمائی اے
جھات کرم دی ساتھے پائیں فضل دین بابا سائیں
قادریؔ نے تے پائی اے در دی ایس غلامی
آندے جاندے محفل دے وچ گزرے عمر تمامی
ہائی کورٹ دے جسٹس جتھے بھردے آن سلامی
سانوں وی رنگ چوکھے لائیں فضل دین بابا سائیں