حضرت پیر جلیل اخون
بخشش لئی ہے نیک شگون
پیر نیاز محمد نے جد ایتھے لائیاں تلیاں
دین نبیؐ دی شمع نال چا روشن کیتیاں گلیاں
ایڈی دین دی خدمت کیتی داد دتی سی ولیاں
دین دی خدمت کارن ہر کوئی آپ دا سی ممنون
ایڈے زاہد عالم کامل وچ زمانے فردا
قدراں دے نال جانے ہر کوئی گلہ نہ کوئی کردا
حافظ، قاری، عالم، کامل ہر کوئی پانی بھردا
باقی سب ستارے نیں تے آپ انہاندے ’’مون‘‘
بابا جی دے بیٹے سارے پیار بھرے نے بھائی
پیر جلیل نے ودھ انہاں توں بہتی شہرت پائی
ایڈے زاہد، کامل، اکمل، فقر دی جوت جگائی
آپ دی جے کر محفل بہئے ملدا بڑا سکون

شیخ کبیر اختر سائیں توں فیض روحانی پائے
ایڈا ادب تے خدمت کیتی بن مخدوم سی آئے
خالی کدی نہ پرتے جیہڑے خدمت دے وچ آئے
فائدہ ہر نوں ملدا جیویں فائدہ دیوے زمین وہون
ایڈا وڈا دین دا مرکز بچے پڑھن ہزاراں
فقہ ، حدیث ، قرآن، فقر دیاں لگیاں موج بہاراں
رم جھم رحمتاں برسن ایتھے ہووے شفا بیماراں
کامل پیر دے چرناں وچ ناں وڑدا شیطان ملعون
ظاہر باطن فیض انہاندا ہر ہر جائیں ملدا
جھنڈا لایا بدر عالم جو اجے وی ایتھے ہلدا
آپ دی جامع دا پڑھیا تے علم دریا تھیں ٹھلدا
لکھ ہنیریاں گھلن قائم رہے گا دین دا ایہہ ستون
دستار مبارک جبہ عاصا بوہت حضرت نوں سجدا
تکدا جیہڑا ہک واری اوہ ویکھ ویکھ ناں رجدا
شہرت ملدی نال نصیباں ، کرم ہے سوہنے رب دا
مفتی خلیق ہے آپ نوں جیویں موسیٰ نوں ہارون