ضیاء شاہد
(چیف ایڈیٹر ’’خبریں‘‘)
ویکھ ضیاء شاہد نے ہے ’’خبریں‘‘ اخبار نکالا
ایہ تے ہیگا ظلم نوں اُکا مار مکاون والا

فرعوناں دے ظلم توں جس نے کئی مظلوم نکالے
دین دعائیں جنھاں دکھڑے ون سونے جالے
من گئے شاہد دی محنت نوں سب اخباراں والے
ایس ضیاء شاہد دا بس اللہ ہی ہے رکھوالا

جتھے جتھے وی دھرتی تے ظلم دی ہے پچھ پیندی
فر خبریں اخبار دی ٹیم ہے اس تھاہریں جا ویندی
ظالم دی اکھاں وچ اکھاں پا کے ایہ گل کہندی
ظلم غریب تے کیوں کر ڈھایا ، کیوں بھانبھڑ ہے بالا

وڈ وڈیرے جد غریباں اُتے ظلم نیں ڈھاندے
حاکم رل کے ظالم نال انصاف توں نیں کتراندے
آسں امیداں والے بوہے جد نیں بند ہو جاندے
کھلا رکھے دفتر اپنا ایہ نہ لاوے تالا

خبریں دے جو ہین نمائندے ایہناں وچ اچھائی
جھوٹ فریب نہ دھوکہ ہرگز ہر گل وچ سچائی
ایسے لئی خبریں اخبار نے جگ وچ شہرت پائی
شاہد نوں رب صحت دے جو پچھے غریب دا حالا

قادری سائیںؔ رب توں ایہو کردا نت دعا
ضیاء شاہد نوں سوہنا سائیں ہمت کرے عطا
جیہڑا یار غریباں دا کردا ہے انت بھلا
وچ ارائیاں ایس گھرانے دا اُچا ہے بول بالا