افضل ذکر (کلمہ شریف)

اس کلمے دے راز نرالے نیں
اس ہر دے دُکھڑے ٹالے نیں
سانوں دسیا طیبہ والے نیں
پڑھ لَااِلٰہَ اِلَّاللہ مُحَمَّدُ الرَّسُوْلُ اللہ
ایہہ کلمہ نور الٰہی دا !
نالے سوہنے مدنی ماہی دا
سانوں ہر دم پڑھنا چاہی دا
پڑھ لَااِلٰہَ اِلَّاللہ مُحَمَّدُ الرَّسُوْلُ اللہ
جیہڑے کلمے دا وِرد پکاندے نیں
وچ دنیا خوش خوش راہندے نیں
نالے جنتیں ڈیرا لاندے نیں
پڑھ لَااِلٰہَ اِلَّاللہ مُحَمَّدُ الرَّسُوْلُ اللہ
کھچ کلمے دی ضرب اُلاویں توں
بن پیتیاں مست ہو جاویں توں
نالے درشن یار دا پاویں توں
پڑھ لَااِلٰہَ اِلَّاللہ مُحَمَّدُ الرَّسُوْلُ اللہ

کر کلمے نال پیار میاں
وچ مشکلاں ایہہ غمخوار میاں
دیوے بیڑا پار اُتار میاں
پڑھ لَااِلٰہَ اِلَّاللہ مُحَمَّدُ الرَّسُوْلُ اللہ
پڑھ کلمہ سیاں بولدیاں
نالے اکھیاں تھیں اَتھرو ڈولدیاں
سب صفتاں عربی ڈھول دیاں
پڑھ لَااِلٰہَ اِلَّاللہ مُحَمَّدُ الرَّسُوْلُ اللہ
پڑھ کلمہ شکر منائی جاء
ایہہ گیت توحید دا گائی جاء
سوہنے یار نوں اینج منائی جاء
پڑھ لَااِلٰہَ اِلَّاللہ مُحَمَّدُ الرَّسُوْلُ اللہ
پڑھ کلمہ حافظ زور دے نال
ہن چھڈ دے سارے برے خیال
تیرا ساتھی کلمہ رہے اقبال
پڑھ لَااِلٰہَ اِلَّاللہ مُحَمَّدُ الرَّسُوْلُ اللہ