1689954541792_56117128
Not Available Free
98
من دی صفائی
رب سچے نوں چھڈ کے بنیوں نفس دا یار پجاری
ایہنے تیرا ساتھ نہیں دینا کیوں تیری مت ماری
من نوں چھڈ کے تن نوں دھوویں، دھوویں توں مل مل
من میلا تن اجلا تیرا، بھاندی نہیں ایہہ گل
قلب صفائی جے نہ ہووے ، پیر نوں فیر سنہڑا گھل
نظر عنایت نال اوہ کرسن تیرے قلب نوں جاری
من نوں صاف کریں جے اپنے ہووے نور اُجالا
جس تے نظر کرم دی ہووے بڑے نصیباں والا
قبر تیری وچ ذکر فکر نے دیوا آن ہے بالا
بن حسابوں بخشیا جاسیں جس دی سچی یاری
سوہنا سائیں سانوں ویکھو نعمتاں نال نوازے
ہر ہر نعمت والے اوہنے کھولے نیں دروازے
کھاویں موج مناویں نالے پھل وی دیوے تازے
پر توں سجناں کردا ناہیں اوہدی شکر گزاری
قادریؔ سائیں ویکھیں کدھرے رب نوں نہ بھل جاویں
اوہدے باہجھوں ہور کسے نوں توں نہ دکھ سنانویں
پنجتن پاک دا صدقہ میرے مولا کرم کماویں
صدقہ سوہنے پاک نبیؐ دا بخشیں امت ساری
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |