دنیا نال نہ جانی

اُٹھ جاگ مسافر دور دیا ، تینوں قافلہ واجاں ماردا اے
اوہ آخر نوں پچھتاوے گا جو ستیاں رین گزاردا اے

ایتھے چار دناں دا واسا اے
اے دنیا کوڑ دلاسا اے
نہ اس گل دا بھرواسا اے
کدوں وجناں سد سرکار دا اے

تیرے محل تے ماڑیاں سجدے نیں
جدوں موت نگارے وجدے نیں
پھر محل ناں چنگے لگدے نیں
ایہہ سب کجھ ہن کس کار دا اے

دھن دولت مال کمایا توں
سوہنے رب نوں دلوں بھلایا توں
ناں درشن یار دا پایا توں
تینوں فکر رہیا گھر بار دا اے

ایس دنیا نال نہ جانا اے
اوتھے کسے نہ دکھ ونڈانا اے
چنگے عملاں ہی کم آنا اے
کر ذکر توں رب غفار دا اے

ایہہ دنیا رنگ برنگی اے
ایہدی ہر دم چال بے ڈھنگی اے
ایتھے رزق دی قادریؔ تنگی اے
کوئی پچھے نہ حال بیمار دا اے