1689954541792_56117137
Not Available Free
116
عشق وپار
کر عشق دا کاروبار کڑے
تاں ہوسی بیڑا پار کڑے
نشہ عشق شراب دا کیتا توں
بھر جام محبت پیتا توں
دل دامن چاک نوں سیتا توں
بھاویں جان دتی تو وار کڑے
تیری ہرنی وانگ چھلانگ کڑے
تیری ڈاہڈی سوہنی مانگ کڑے
جد سنیں گی عشق دی بانگ کڑے
تینوں ملسی چین قرار کڑے
تیری زلف دے پیچ اوّلے نیں
تیرے ہتھ وچ بھاندے چھلے نیں
سب سجناں دے دل ہلے نیں
تینوں پھبدا ہار سنگھار کڑے
تیرے ہونٹاں سرخی بھاندی اے
کیتی مکھ دی صفت نہ جاندی اے
دل دھار کجل دی کھاندی اے
ہویا تیر کلیجوں پار کڑے
تیری صورت بھولی بھالی اے
اکھ تیری کجلے والی اے
بڑی اوکھی سرت سنبھالی اے
جد کیتا سی دیدار کڑے
پھُل مانگ تیری وچ سجرے نی
چنگے لگدے تینوں گجرے نی
دے درشن سوہنیے فجرے نی
ہن مویاں نوں ناں مار کڑے
تینوں قادریؔ اَج سمجھاوے نی
توں چڑھ جا عشق کچاوے نی
ایہہ رب سچا فرماوے نی
بس عاشق ہونے پار کڑے
ب
بہاول نگر دے اُردو بازار وچوں ہک وار مُرشد سائیں لنگیا سی
کاسہ پکڑ محبوب دے پیش ہوکے میں تا در دلے دا منگیا سی
خوش ہو محبوب نے کرم کیتا سانوں اپنے رنگ وچ رنگیا سی
چاولہ سائیں ؔ بلھے شاہ دی اے روش پکڑی نائیں بھٹی سداوندا سنگیا سی
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |