1689954541792_56117146
Not Available Free
133
تاہنگ وصل دی
دیس ماہی دے جانا میرا ہویا بہت ضروری اے
مکھ دلبر دا تکنا ای تکنا ایہہ میری مجبوری اے
ساون وانگوں برسن اکھیاں
وچ اڈیکاں سوں نہ سکیاں
جنھاں یار دیاں تاہنگاں رکھیاں
اوہ رہندیاں وچ حضوری اے
دیس ماہی دے جانا میرا ہویا بہت ضروری اے
مکھ دلبر دا تکنا ای تکنا ایہہ میری مجبوری اے
دل دا سودا کرے نہ کوئی
کرے جو موتوں ڈرے نہ سوئی
شاہ منصور دے نال جو ہوئی
عشقے دی مجبوری اے
دیس ماہی دے جانا میرا ہویا بہت ضروری اے
مکھ دلبر دا تکنا ای تکنا ایہہ میری مجبوری اے
جس دل عشق حضوری آوے
محبوباں دے دل نوں بھاوے
کدھرے وی اوہ چین نہ پاوے
رہندا وچ صبوری اے
دیس ماہی دے جانا میرا ہویا بہت ضروری اے
مکھ دلبر دا تکنا ای تکنا ایہہ میری مجبوری اے
شرع شریف نوں جو اپناندے
جگ وچ کوئی نہ تُل انہاندے
اسیں ویں یار مدینے جاندے
جے ہووے منظوری اے
دیس ماہی دے جانا میرا ہویا بہت ضروری اے
مکھ دلبر دا تکنا ای تکنا ایہہ میری مجبوری اے
قادریؔ! توں نہ یاد بھلاویں
دلبر توں نہ مکھ پرتاویں
جان منگے تاں دیر نہ لاویں
پھڑ چال چلن منصوری اے
دیس ماہی دے جانا میرا ہویا بہت ضروری اے
مکھ دلبر دا تکنا ای تکنا ایہہ میری مجبوری اے
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |