عشق دا روگ
عشق نے دل وچ پایا زور
اودوں جگ وچ مچ گیا شور
لوکی مینوں پاگل کہندے
مینوں ویکھ کے ہسدے رہندے
اسیں تے طعنے مہنے سہندے
کسے نال نہ پایا کھور
وکھری دنیا مل گئی مینوں
حسد کریں کیہہ ملدا تینوں
دل دی آکھ سناواں کیہنوں
سب دسدے نے ہور دے ہور
یار پنل جد دل نوں بھایا
سسی رو رو حال ونجایا
اوہ ستی تے یار گنوایا
ملیا کیچ تے نہ بھنبھور
قادریؔ سائیں سمجھ نہ آئی
جس گھر عشق نے جھاتی پائی
جلی کلی پھوک جلائی
دُکھاں وچ نہ ہووے بور