تاہنگاں والی رات
محبوب نوں آکھیو نی ہک وار تے آوے ہا
پانی دل دھرتی تے دیدار دا پاوے ہا

مدت ہوئی ویکھ ناں سکیاں
تک تک راہواں روون اکھیاں
وَل وَل طعنے دیون سکھیاں
اوہ لگیاں توڑ نبھاوے ہا

میں ہاں بہتی اوگن ہاری
معافی مل جاوے ہک واری
ہووے خطا نہ دوجی واری
اوہ ہک واری ازماوے ہا

پھلاں دی میں سیج بنائی
دلبر دے لئی مانگ سجائی
تانگاں دے وچ رات لنگائی
رب کدے تاں میل کراوے ہا

دلبر لئی سنگار کریساں
جھمکے ونگاں پائل پیساں
ساری عمراں باندی رہساں
ایہہ تتڑی من نوں بھاوے ہا

ماہی آوے جان ناں دیساں
کر منتاں میں رات رہیساں
جان جے کرسی، نال میں ویساں
تتڑی دا شوق ودھاوے ہا

قادریؔ جے کر ماہی آوے
میں تتڑی دی مونجھ لہاوے
سوہنا مکھڑا دل نوں بھاوے
کدی نہ چھوڑ کے جاوے ہا