1689954541792_56117152
Not Available Free
145
میں ول ول تکنا مرشد نوں
مار گیا سوہنیا ایہہ مینوں تیرا پیار وے
دل کرے میں ویکھاں تینوں بار بار وے
تیریاں اداواں مینوں بڑا ای ستاندیاں
جدوں یاد آوے تیری بڑا ای رواندیاں
اکھیاں وی ہر ویلے مینہ برساندیاں
جے توں آویں فیر آوے دل نوں قرار وے
مار گیا سوہنیا اے مینوں تیرا پیار وے
جدوں دا میں ویکھا تینوں ہوش میری بھل گئی
چھڈ کاروبار میں تاں گلیاں چ رُل گئی
سارے بھار ہولے ہوئے ککھاں نال تُل گئی
مینوں چنگی لگی تیرے کجلے دی دھار وے
مار گیا سوہنیا اے مینوں تیرا پیار وے
مکھ تیرا ایویں جیویں چن اسمانی اے
ویکھے جو وی ہک واری ہووے اوہ دیوانی اے
اجڑیاں دلاں اُتے ہووے مہربانی اے
ہک واری دے جا مینوں اپنا دیدار وے
مار گیا سوہنیا اے مینوں تیرا پیار وے
تینوں جد تکیا تے میں تیری ہوئی وے
جگ وچ تیرے جیہا دسدا نہ کوئی وے
مینوں سد لے توں میرا یار ’’سنگوئی‘‘ وے
تیرا اوتھے رج رج کراں گی دیدار وے
مار گیا سوہنیا اے مینوں تیرا پیار وے
قادریؔ سائیں ہن نہ گھبرا توں
ٹلے جا کے مندراں وی گل وچ پا توں
جوگی بن در در بین بجا توں
خلق کرے گی فیر تیرے نال پیار وے
مار گیا سوہنیا اے مینوں تیرا پیار وے
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |