سرکار دی اڈیک
تیری راہ وچ ڈھولا میں تے کدوں دی کھڑی
سِک تیری اے ودھیری اکھاں لائی اے جھڑی
ستا اے نصیب میرا پئے گئی جدائی اے
مل جا توں سجنا ایہہ زندگی پرائی اے
بڑی سوہنی سیج میں تاں تیرے لئی سجائی اے
آ جا دل جانیاں توں چھڈ دے اڑی
تیریاں وے راہواں وچ لائیاں اساں پکھیاں
ہر ویلے تاہنگاں وچ رہندیاں نے اکھیاں
دیندیاں نیں طعنے مینوں ول ول سکھیاں
تیرے نال لائی ، جند دکھاں نے پھڑی
میریاں وی لیکھاں وچ لکھیاں سی دوریاں
ربا ہون میریاں مراداں اج پوریاں
سوہنے دے دیدار دیاں ہون منظوریاں
ڈاہڈا اوکھا لنگھدا اے پل تے گھڑی
سائیں ایتھے سوچ کے تے قدم ٹکاونا
قدم سنبھال کِتے تلک ناں جاونا
خلق خدا نوں وی ایہہ گل سمجھاونا
بہہ جا بوہے سجناں دے پا کے مڑھی