1689954541792_56117157
Not Available Free
154
ملن دی آس
چھیتی چھیتی آ وے ماہی تیری یاد ستاندی اے
دن گزرے تیری یاد چ، راتیں نیند ناں آندی اے
فجری ویلے باگاں دے وچ چڑیاں بولدیاں
چھنے دیواں پیر دے جے خبراں آون ڈھول دیاں
ہجر فراق تیرے وچ اکھاں اتھروں ڈوہل دیاں
دلڑی تیری یاد چ پئی روندی کرلاندی اے
چھیتی چھیتی آ وے ماہی تیری یاد ستاندی اے
دیس پرائے ٹر گیا ماہی دیوے کون دلاسے
مدتاں ہویاں ویکھن کارن ہو گئے نین پیاسے
وقت بدلدا دیر ناں لاوے تولیوں ہوندا ماسے
سسی سیج پنل تے ستی فجری اٹھ پچھتاندی اے
چھیتی چھیتی آ وے ماہی تیری یاد ستاندی اے
اجڑیاں گلیاں سنج چوبارے ویہڑا کھاون آوے
ول ول ویکھاں راہ سجن دا اوہ نہ مکھ وکھاوے
کی کراں میں کدھر جاواں کوئی پیش نہ جاوے
سک پیا دے ملنے والی ہر دم پئی ستاندی اے
چھیتی چھیتی آ وے ماہی تیری یاد ستاندی اے
جہلم دے کنڈے دے اُتے دلبر نوں سد ماراں وے
اوکھے ویلے ماہی باہجھوں کون لوے گا ساراں وے
یار ملے تاں خوشیاں تھیون جاون دکھ ہزاراں وے
باگاں وچ بہار حسن دی جیویں دل بہلاندی اے
چھیتی چھیتی آ وے ماہی تیری یاد ستاندی اے
قادریؔ سائیں سانوں ایتھے یار دی یاد ستاوے
دل وچ بھانبھڑ جیہڑا اوہنوں کون بجھاوے
آوے شالا چھیتی چھیتی ماہی مکھ وکھاوے
ماہی دا مکھ تکیاں ساڈی عید سعید ہو جاندی اے
چھیتی چھیتی آ وے ماہی تیری یاد ستاندی اے
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |