1689954541792_56117161
Not Available Free
161
پارک دی سیر
پارک دے وچ گھمن والے آندے دل پرچاون لئی
عورت مرد تے بہتے وڈے آندے دکھ گھٹاون لئی
صبح سویرے منہ ہنیرے سیر کرن نوں آندے نیں
بہتی عمراں والے بھائی چھیتی ہی تھک جاندے نیں
تھوڑی عمر دے گھبرو اوتھے آکے خوشیاں پاندے نیں
بہتے آندے اوتھے اپنا اپنا دکھ ونڈاون لئی
فجری اٹھ خدا دے بندے سر سجدے وچ دھردے نیں
شرع شریف دے تابع رہ کے ذکر خدا دا کردے نیں
صبر شکر دا پہن لبادہ ہر دم دکھڑے جردے نیں
دکھاں وچ وی نہ گھبراون رب سوہنے نوں پاون لئی
شوگر والے بھائی میرے! ایہہ تیری مجبوری اے
تڑکے اٹھ کے سیر نوں جانا تیرے لئی ضروری اے
پڑھ الحمد اکتالی واری ایہہ فرمان حضوریؐ اے
ایہدے نال درود رلا ، ایہہ ورد ہے دکھ ہٹاون لئی
بچے کرن تیاری ایتھے جد پرچے ہون سالانہ
کئی وچارے غربت مارے، کئی پئے دین ماہانہ
محنت دے ہن نمبر ملدے بھاویں شکل شاہانہ
محنت تے رب رکھدا ناہیں، دسی اے گل سمجھاون لئی
بہتے موٹے بھاری بندے سو سو نفل گزارن!
غم اندوہ سب دور ہو جاون کدی ناں ہمت ہارن!
قبر حشر نوں سامنے رکھ کے نفس اپنے نوں مارن
بڑا ای چنگا نسخہ ہے اے رب دے نیڑے آون لئی
سجری خوشبو پھلاں والی ہر پاسوں پئی آوے
پھل کلیاں دی مہک پیاری ہر اک نوں پئی بھاوے
جوں جوں خوشبو ودھدی جاوے دل سکون وی پاوے
باغ باغیچے لائے سارے تیرا جی بہلاون لئی
کڑیاں وی کدی سیر بہانے پارک دے وچ آندیاں نیں
پکڑ موبائل گھمدیاں پھردیاں اپنا دل بہلاندیاں نیں
نکھرا مکھ تے بکھریاں زلفاں خوش گپیاں فرماندیاں نیں
قادریؔ سائیں آئیاں ہن ایہہ پارک دی شان ودھاون لئی
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |