1689954541792_56117162
Not Available Free
163
صحافت
یار صحافت عین عبادت کریئے جے کر سچ دے نال
جان دکھاں وچ پا صحافی بنندے ہین غریب دی ڈھال
جدوں ایہہ خبراں ڈھونڈن ویندے غم اندوہ نیں جردے
ماڑیاں تے مظلوماں اُتے ہتھ شفقت دا دھردے
جابر ظالم حاکم اگے ڈٹ جاندے نہ ڈردے
خوف ذرا نہ کھاندے ویکھو کردے صدق مقال
شہر محلے کوچہ کوچہ ہر جا ویکھو جاندے
ظالم لوگ غریباں تائیں حدوں ودھ ستاندے
مرہم زخم غریباں دے تے ہین صحافی لاندے
حق دی گل نیں کردے نالے رہندے حق دے نال
دفتراں اَتے کچہریاں وچ، کدی پھردے رہن بزاراں
سجریاں تازیاں خبراں ڈھونڈ کے چھاپن وچ اخباراں
چنگیاں مندیاں خبراں پڑھ کے پرچن دل ہزاراں
پنچھیاں وانگ توکل رب تے رہندے نیں خوشحال
یار صحافی چنگے نیں، ایہہ بولن بول رسیلہ
دکھیاں تے دکھیاراں دا ایہہ بن دے ہین وسیلہ
راہ ڈکن ایہہ اَگوں بھانویں ہووے شیر مریلہ
جس دے نال ایہہ دل تھیں ٹردے دکھڑے دیندے ٹال
اللہ سوہنے رزق انہاندا لکھیا کس بہانے
مالک روزی ہر نوں دیندا ، بھولے تے مستانے
کر مزدوری تے کھا چوری، کہہ گئے مرد ربانے
منگو یار دعاواں سب نوں لبھے رزق حلال
قادریؔ جی اخبار دی خدمت عزت بہت بناندی
عزت، شہرت ، دولت تائیں غربت شان گنواندی
اللہ سوہنا راضی تھیوے جتھے پیش نہ جاندی
خوفِ خدا تھیں روندیاں نوں تے بخشے گا ذوالجلال
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |