آصف فیملی پارک دی سیر
آصف فیملی پارک میں پہلی وار ویکھیا
اجمیری مسجد دا سوہنا گنبد باشکل مزار ویکھیا
الحاج احمد علی ہے نیک نمازی بندہ رب دا پیارا
مسجداں اُتے خرچ کریندا اوہدی زندگی دا ورتارا
بہاول نگر دی ممتاز شخصیت عزت کرے جگ سارا
غریباں تے مسکیناں دا اوہنوں غمخوار ویکھیا
ایڈا سوہنا فیملی پارک ہر کوئی ویکھن آوے
ویکھن والا دوجی واری فیملی نال لیاوے
رات گئے تک گھمے پھرے اوہ بہتیاں خوشیاں پاوے
میں وی جا جا پارک نوں ہے بار بار ویکھیا
پارک دے وچ گھمن والے رج رج خوشیان پاون
ہر طرح دے کھانے پکن جو دل چاہوے کھاون
چنگے ذائقے والی چائے ٹھاکر ہوریں پلاون
ایہو جیا ذائقہ تاں اساں نہ کدی بازار ویکھیا

کڑیاں وی کدی سیر بہانے فیملی دے نال آندیاں نیں
مہک پھلاں دیں پہل موراں دی پیاں اپنا دل پرچاندیاں نیں
دوجی واری نال سہلیاں ول ول اوتھے آندیاں نیں
کشتی رانی دے وچ وی بیٹھیا میں انہاں نوں کئی وار ویکھیا
سوہنی اُچی پہاڑی ویکھ کے خوشیاں ہون دوبالا
مست ہوا دے جھولے آون کوئی سمجھے درداں والا
ملے سکون تے فرحت ایتھے دکھ رب کریم نے ٹالا
مہماناں نے وی ایہہ رونق میلا عین جاندی واری ویکھیا
فیملی پارک دے کبوتر وی پئے ہو ہو کردے نیں
بند ر بچیاں کولوں چیزاں لے لے پیٹ اپنا پئے بھردے نیں
موراں نے جد پہلاں پایاں خوشی دے بدل ورہدے نیں
نقد و نقد ی خوشیاں ملیاں ناں اساں کدی اودھار ویکھیا
ساز آواز سریلی ایسی دل چ اتردی جاوے
عطاء اللہ دی طرز سی ساری ہر ہک نوں پئی بھاوے
کونج وچھڑ گئی ڈاروں ایویں وچھڑیاں دی یاد ستاوے
قادری سائیںؔ پارک دے وچ اساں وی ہک دن اسلم بھٹی وکیل سرکار ویکھیا