عدلیہ د اانصاف
سیشن جج بہاولنگر دا مہر محمد عارف سیال
مظلوماں تے بے کساں دا کردا ہے بہت خیال
مظلوماں دی داد رسی لئی جدوں آپ عدالت آندے
سن فریاد قانون مطابق حکم صادر فرماندے
چھیتی عدل ملن تے سائل خوشیاں پاندے
جسٹس محمد منیر مغل دے نے آپ ہم خیال
پاک پاکیزہ رہن دا شوق زیادہ نیکاں صحبت پائی
من پاک تن وی صاف تے ماحول دی چاہن صفائی
عزت عظمت رب نے دتی بہتی شہرت پائی
ہر دم رکھدے یاد اللہ نوں کردے صدق مقال
کرن ہدایت ججز تائیں عدل نوں اپنانا
عدل انصاف قائم کرکے عدلیہ دی شان ودھانا
چنگی شہرت چنگی ہوندی چنگا کردکھانا
شعبہ عدل دا ہے در حقیقت مظلوماں دی ڈھال
بہاول نگر دی قسمت جاگی چنگا جج ہے آیا
مدت دے پرانے کیساں نوں کر سماعت نمٹایا
اہل علاقے خوشی منائی مولیٰ کرم کمایا
مظلوماں تے بے کساں دے دکھڑے دتے ٹال
سینئر سول جج چوپڑا صاحب چنگے اصولاں والے
کیساں دی گہرائی وچ جاکے فیصلے دین اوباہلے
ایہو جئے جج ہون تے کون وکیلاں نوں بھالے
نہ ہون اے جھگڑے مک جاون سب جنجال
کلم کلے رائونڈ تے نکلن کورٹاں نوں چیک کردے
کدوں آون کس ویلے آون ماتحت انہاں دے ڈردے
جام عبدالستار گسورا صاحب ہن کسے بھلے گھر دے
اوکھے سوکھے ویلے پچھن ماتحتاں دا حال
نیک نگاہ نال ہر کوئی ویکھے نیکاں نسبت پائی
اہناں دے آون پاروں ہوگئی چنگیائی
سیال صاحب دے سایہ تلے ماتحتاں موج منائی
سب ایتھے ہوگئے نے خوشحال
صوبے والے نظر عنایت توں کیوں ہوئے دور
اوتے عدلیہ تے تلے انتظامیہ گل کرن توں مجبور
چنگے لوگاں دے بس چنگے ہوندے دستور
صوبے والیاں دا صرف اک کمرے دا ہے سوال
قادری سائیںؔ اللہ سوہنے بڑا ہی کرم کمایا
جج نمازی دین دا غازی ساڈے شہر لگایا
مظلوماں نے رب دا بڑا ہی شکر منایا
بہاول نگر تے کرم کیتا ہے رب ذوالجلال