دوست کی فرمائش

بڑا افسوس ہے تیری بے وفائی کا
صدا غم رہے گا تیری اس جدائی کا

جس باغیچے کو ہم نے پرورش کیا
کسی موسم میں بھی سوکھنے نہ دیا
پھولوں کے عین شباب میں جدا کردیا
بڑا امتحان تھا میری صبر آزمائی کا

پھولوں کے نکھار نے دل میں بسیرا کیا
اندھیرا تھا دل میں سویرا کیا
جدائی کے غم نے برا حال میرا کیا
درد اٹھتا رہے گا دل پہ چوٹ لگائی کا

پھولوں کے نکھار پہ بلبلیں بھی آنے لگیں
جھرمٹ بناکے وہ گیت گانے لگیں
پھولوں پہ بیٹھ کے وہ خوشیاں منانے لگیں
بڑا دکھ ہوا پھولوں کی خوشبو چرائی کا

مالی نے کی پھولوں کی بہت ہی رکھوالی
مگر لالچ میں آکر توجہ ہٹالی
صورت حال گئی نہ اس سے سنبھالی
بڑا چرچا ہوا اس کی رسوائی کا

چاولہ سائیں پھولوں کی مہک ہے بہت نرالی
بلبلوں کو بھی مل جائے گی اک دن دیس نکالی
چمن رہ جائے گا سب خالی کا خالی
تجھے کیا ملے گا دنیا میں دل بہلائی کا