بہارجہلم
(بابا فضل دین ؒ رجسٹرار ہائی کورٹ کی فرمائش پر)
میری آنکھوں سے دیکھے کوئی بہار جہلم
دل و جان سے وہ ہوگا نثار جہلم
عشق الٰہی کا سمندر وہاں بہتا ہے
اِک مرد قلندر جہاں رہتا ہے
دُکھ درد غریبوں کے وہ سہتا ہے
سب کرتے ہیں تجھ سے پیار جہلم
تیرے باسی بہت ہی پیار والے ہیں
ان کے دل بہت ہی اُجالے ہیں
وہ ہراک کے کام آنے والے ہیں
تیرے منگلا میں بہتا ہے آبشار جہلم
مئے پینے سب جہلم کو جاتے ہیں
پیا بھر بھرجام سب کو پلاتے ہیں
پیا جب موج میں آتے ہیں
تو پیاسا نہیں رہتا کوئی میخوار جہلم
قادری سائیںؔ میخانے کے سہارے ہم جیتے ہیں
توحید و رسالت کی مئے ہم پیتے ہیں
دلبر کے سنگ جو دن بھی بیتے ہیں
یاد کرکے دل روتا ہے زارو نزار جہلم