محبوب کی یاد میں
اب تو آجا ساجن کہ ماحول ہے بڑا ساز گار
میری بے چین نگاہوں کو کب سے ہے انتظار
دل روتا ہے اور آنکھیں اشکبار رہتی ہیں
محبوب کے ملنے کا یہ بار بار کہتی ہیں
ہجر کی غمگین گھاٹیوں میں کب سے یہ رہتی ہیں
یہ پیاسی ہیں ہونا چاہیے اب تو دیدار
برسات کے موسم میں دل ملنے کی تمنا کرتا ہے
شمع کی خاطر پروانہ جان کی پرواہ نہ کرتا ہے
زندہ رہے یا مرجائے دکھ درد صبر سے وہ جرتا ہے
حضرت عشق کی منزل میں آتے ہیں دکھوں کے انبار
چاولہ سائیںؔ ساون کے مہینے میں گھٹا جب چھاجاتی ہے
دکھ درد کے ماروں کو محبوب کی یاد ستاتی ہے
قسمت والے ملتے ہیں بد قسمت سیج نہ بھاتی ہے
ملنے والے خوشیوں کا کرتے ہیں پرچار