ترے دعوے ،ترے وعدے کبھی سچے نہیں نکلے
کہ ہم تکتے رہے تھے راہ تم گھر سے نہیں نکلے

کہیں کیا، حادثہ تو روز ہی ہوتا رہا کوئی
یوں اچھے دن بھی اپنے خیر سے اچھے نہیں نکلے

یہی ہے عشق جب بھی پھونک ڈالا آگ نے گھر تو
کھلونے چھوڑ کر باہر کبھی بچے نہیں نکلے

دمِ آخر جو میرے ان لبوں پر نام تھا اُن کا
وفاؤں کے یہ دھاگے شکر ہے کچے نہیں نکلے

تری تو ہے خدائی اے خدا سارے جہانوں پر
تعجب ہے کہ تجھ سے بھی مگر رستے نہیں نکلے