ٓنکھ میں اک نمی سی رہتی ہے
زندگی میں کمی سی رہتی ہے

دل کے ظلمت کدے میں دیکھو تو
یاد کی روشنی سی رہتی ہے

جانے ہے کس کا انتظار مجھے
جانے کیوں تشنگی سی رہتی ہے

ہو گئے برف ہیں سبھی آنسو
سو نظر اب جمی سی رہتی ہے

خلوتِ دل کے ان دریچوں میں
اک صدا سرگمی سی رہتی ہے

میں ہوں سچ گو سو اس لیے میری
شہر میں دشمنی سی رہتی ہے

وہ جو کہتا ہے ختم ہو رشتہ
اس پہ افسردگی سی رہتی ہے

زندگی سے ہیں کچھ گلے شکوے
خود سے بھی برہمی سی رہتی ہے

تم مرے پاس جب نہیں ہوتے
زندگی یہ تھمی سی رہتی ہے