انکار بھی نہیں ، انھیں اقرار بھی نہیں
اتنا ہوا یہ دل کبھی لاچار بھی نہیں

دکھ درد ہم نے بانٹ لیے سارے شہر کے
آئی جو اپنی باری تو اک یار بھی نہیں

اس بخت کی یہ پستیاں بھی ہوں ملاحظہ
گل تو کجا ہے اپنے لیے خار بھی نہیں

اس طرح مفلسی کے ستائے ہوئے ہیں ہم
محرومیِ اناج ہے اور پیار بھی نہیں

جانے وہ کون لوگ تھے جن کو ملے ہیں یار
حاصل ازل سے ہم کو تو اغیار بھی نہیں

دولت خلوص کی ہے مرے پاس فہدؔ سب
اور وہ خلوص کا تو طلب گار بھی نہیں