جینے کے ڈھنگ تیری جدائی سکھا گئی
اور یاد تیری مجھ کو ہے شاعر بنا گئی

آندھی سفر کی رات میں جو چل پڑی تو کیا
اچھا ہوا کہ راہ کے پتھر ہٹا گئی

دورِ جنوں میں رہتا تھا خوش باش میں بہت
یہ آگہی تو میری ہنسی کو ہی کھا گئی

فرقت کی رات نیند ہمیں آتی کس طرح
ہم کو شبیہ یار تھی کہ جو سلا گئی

دیکھو اداسی بھی کسی گربہ سے کم نہیں
چھوڑا کسی جگہ بھی تو پھر گھر کو آ گئی

اپنا یہاں ہے کون پرایا ہے فہدؔ کون
یہ راز ہم کو ایک مصیبت بتا گئی