یہ عشق میں نہ سوچ، تُجھے کیا نہیں ملا
ہے کر لیا، تو خاک میں اپنی جبیں ملا

ہم راہ دیکھتے ہی رہے جس کی عمر بھر
آیا وہ شہر میں بھی تو ہم سے نہیں ملا

بچپن میں دل کی بستی میں رہتے تھے کتنے لوگ
دیکھا شباب میں تو فقط اک مکیں ملا

اگلے جہاں کے عہد پہ ہم کو دیا ہے ٹال
کم بخت ہم کو وہ تو بلا کا ذہیں ملا

کہتے رہے تھے یار جسے ہم تمام عمر
اک دن عدو کی بزم میں وہ نازنیں ملا

گر یاں دیا نہ تُو نے تو نہ لوں گا حشر میں
یارب اسے اگر ہے ملانا، یہیں ملا