بھلانے میں جن کو زمانے لگے ہیں
وہی لوگ پھر یاد آنے لگے ہیں

سنبھلتا ہوا دیکھ کر پھر سے مجھ کو
حوادث کھڑے مسکرانے لگے ہیں

لگا بزم میں رہ گئے ہم اکیلے
کہا جب انھوں نے کہ جانے لگے ہیں

لگا ہاتھ سے ہے جو آنچل تمھارا
لگا ہاتھ جیسے خزانے لگے ہیں

خدایا! تو سن لے، اٹھے گی نہ ورنہ
جو ماتم کی صف ہم بچھانے لگے ہیں

ہمیں تو چلن، بد چلن زندگی کے
یہ سب سانپ سیڑھی کے دانے لگے ہیں

خدا دیکھ لے اب جو تو نے ہے کرنا
دعا سے بھی ہاتھ اب اٹھانے لگے ہیں