لو آج تین سال بیت گئے
ان سالوں میں تمھاری مہک

مجھ میں ہر سُو رہی
کہ زندگی تمھاری تھی
بعد بھی تمھاری رہی

پر کیا تم جانتی ہو جاناں!
وقت کے اس بوجھ نے
جوانی میں ہی مجھے

برسوں پرانا کر دیا
کمزور بنا دیا، ضعیف کر دیا

پر میں جانتا ہوں کہ ابھی
مجھے اک لمبا انتظار کرنا ہے
ابھی اور سال بیتنے ہیں
ابھی اسی آگ میں جلنا ہے

پر میں اس بات سے ڈرتا ہوں جاناں!

کہ وقت کے اس بوجھ سے میں
اس قدر عمر رسیدہ ہو جاؤں
کہ دم ہی توڑ جاؤں

اور آخر پُرنم آنکھیں
رُکتی ہوئی سانسیں
شمار کرنے سے قاصر ہوں
اور یہ کہتی ہوں

لو آج وقت کے اندھیرے جیت گئے
لو آج ہم ہی بیت گئے