کرنا ہو کسی زن کو جب کسی غم کا ماتم
چوڑی اپنے ہاتھ کی وہ توڑ دیتی ہے
سجنا چھوڑ دیتی ہے سنورنا چھوڑ دیتی ہے

پر لاحق ہو کسی مرد کو جب کوئی غم
تو کیسے کرے وہ اس کا ماتم

چوڑی آخر وہ نہ پہنے
غم میں جس کو توڑے وہ
نہ مثلِ عورت وہ بھی سنورے

ماتم میں جس کو چھوڑے وہ
کیا کرے پھر وہ بیچارا
کس کا لے آخر سہارا

ہاں اک بات آخر ہونے لگتی ہے
کہ داڑھی اُس کی وضع کھونے لگتی ہے
جبیں پہ غم سجا لیتا ہے وہ
اور بال اپنے بڑھا لیتا ہے وہ

آؤ دیکھو تو سہی میں نے
وہ سب چلن اپنا لیے ہیں
اور بال بھی اپنے بڑھا لیے ہیں