غمِ روز گار کے جھمیلوں میں ہر روز
اعضائے جسم اپنے درد سے کراہتے ہیں

تو ہم بھی اک یاد کے بستر پر
روز ہی سر رکھ کر سو جاتے ہیں
فکریں تو ذہن میں سو رہتی ہیں
پر خواب میں محور بدل جاتے ہیں

یوں ہماری شب کٹتی ہے اور صبح
کسی بے نوا آواز کے طائر جگاتے ہیں
سرابِ و صل کے محل بکھرتے ہیں
اور ہم اس تلخ حالتِ اصل میں آ جاتے ہیں

پھر چکر چلتا ہے
پیٹ لاتیں مارتا ہے
ہم کام میں لگ جاتے ہیں
سب بھول جاتے ہیں

یوں اب ہم کام کے وقت کام
اور یاد کے وقت یاد کرتے ہیں
گویا کہ اب ہم سمجھ دار ہوتے جاتے ہیں