یہ دل جب جوان ہوا تھا
اس کا ابرو کمان ہوا تھا
ہر نقش اس کا قاتل تھا
نشانے پہ میرا دل تھا
دُور دُور رہا کرتا تھا وہ
کچھ نہ کہا کرتا تھا وہ

ہر روز اسے دیکھتا تھا میں
کہ اس کا فریفتہ تھا میں

دیکھا تھا اسے جب سے
مانگا ہر شب رب سے

اسے پیار ہونا مشکل تھا
میرا اعتبار ہونا مشکل تھا
پر جذبے میں سچائی تھی
وہ آخر پگھل آئی تھی
اُسے اعتبار آ گیا آخر
مجھ پہ پیار آ گیا آخر

یوں شروع پھر فسانہ ہوا
کہ وہ بھی میرا دیوانہ ہوا
پر ایک دن بھید کھل گیا اپنا
سب کو سراغ مل گیا اپنا
آخر عشق و زمانہ لڑ گئے
اور یوں ہوا کہ ہم بچھڑ گئے

اس سانحے پہ بہت روئے ہم
جانے کتنی ہی راتیں نہ سوئے ہم
دل پہ خوشیوں کا ڈیرہ نہیں رہا
یہ سچ ہے کہ وہ میرا نہیں رہا
عمریں بیت گئی پر سوال وہی رہا
کہ اُ س کے جانے کا ملال وہی رہا

یہ سچ ہے بہت ہم اداس رہتے ہیں
یہ بھی سچ ہے نہ اک دوسرے کے پاس رہتے ہیں
یہ بھی مانا کہ ہیں مجبور بہت
پر اس ظالم سماج سے دور بہت
اک عشق کا گاؤں آتا ہے
جہاں نہ کوئی اداس رہتا ہے
وہاں وہ میرے پاس رہتا ہے