دہر میں اسم محمد سے اُجالا کر د ے
نحمدہ ونصلی علی رسولہ الکریم امّا بعد فاعوذ بااللہ من الشیطن الرجیم
بسم اللہ الرحمن الرحیم
معزز اسا تذہ کرام اور میرے ہم مکتب شاہینو!
آج مجھے جس موضوع پر اظہار خیال کرنا ہے وہ ہے: ’’دہر میں اسمِ مُحمَّدؐ سے اُجالا کردے‘‘
کی محمد سے وفا تو نے تو ہم تیرے ہیں
یہ جہاں چیز ہے کیا لوح و قلم تیرے ہیں
صدرِ ذی وقار!
ہم مسلمان ہیں، ہم کلمہ گو ہیں ، ہم اللہ اور رسولؐ پر ایمان رکھتے ہیں، ہم زباں سے بھی کہتے ہیں اور دل سے بھی تصدیق کرتے ہیں کہ اللہ ایک ہے اور محمدرسول اللہؐ اس کے آخری رسول ہیں۔
جنابِ صدر!
اس کے باوجود ہم پستی کا شکار کیوں ہیں ، ہماری صفوں میں اتحاد کیوں نہیں ہے، ہم متحد کیوں نہیں ہیں، ہماری زندگی میں عروج کیوں نہیں ہے، ہماری حیات پستی کی طرف کیوں مائل ہے۔
جنابِ صدر!
اس کا سبب یہ ہے کہ ہمارا اعتقاد صرف زبان کی حد تک رہ گیا ہے، ہماری محبت صرف زبانی ہے، ہمارا انس صرف عارضی ہے، ہمارا پیارصرف جزوقتی ہے۔ ہم نام کے مسلمان ہیں ہمارا ظاہر اور باطن یکسانیت کا مظہر نہیں ہے۔
جنابِ صدر!
اگر ہم چاہتے ہیں کہ اقوام عالم میں ہمارا نام ہو، ہماری دنیوی و اُخروی زندگی بہتر ہو، ہم معاشرتی لحاظ سے پسماندگی کا شکار نہ ہوں تو محمد رسول اللہؐ سے اپنی محبت کے معیار کو بلند کرنا ہوگا، رسول اللہؐ کی سنتوں پر عمل کرنا ہو گا، اسی سے ہم پستی سے نکل کر بلندی پرپہنچ سکتے ہیں۔
قوت عشق سے ہر پست کو بالا کر دے
دہر میں اسمِ محمد سے اجالا کر دے
والسلام