۱۹۷۹ءمیں مولانا مودودیؒ کو پہلا شاہ فیصل ایوارڈ دینے کافیصلہ ہوا۔یہ اعلان شاہ فیصل شہید فاؤنڈیشن کی ایوارڈ کمیٹی نے کیاتھا ۔مولاناؒ کویہ ایوارڈ دینےسے پہلے فاؤنڈیشن نے دنیا بھرکے ۵۰۰ کے قریب مسلمان شخصیات ،بین الاقوامی اداروں ،تنظیموں اورنامور لوگوں کوایک سوال نامہ ارسال کیا ۔اس سوالنامے میں ایسانام تجویز کرنے کی سفارش کی گئی جسے یہ ایوارڈ دیا جاسکے ۔جب یہ سوالنامے واپس آئے تو ۴۰۰ سے زائد سوالناموں میں مولانا مودودیؒ کواس ایوارڈ کاحقدارقراردیاگیا ۔یہ تعداد ۹۰٪ بنتی ہے ۔ جبکہ باقی دس فیصد افرادنے تحریر کیا کہ اگر مولانا مودودیؒ کویہ ایوارڈ نہ دیاجائے تو فلاں شخص کودے دیا جائے۔