ایمان اسلام کو جزو لاینفک ہے اس کے بغیر اسلام قابل قبول نہیں کوئی بھی شخص مکمل ایمان لائے بغیر دائرہ اسلام میں داخل نہیں ہو سکتا ۔ فصل اول میں ایمانیات کے بارے میں قرآن مجید کی درج ذیل سورتوں کی ۲۰ آیات سے وضاحت کی گئی ہے۔

سورة آل عمران آیت نمبر ۱۶۰، سورة النساء آیت نمبر۸۲، سورة الاعراف آیت نمبر۱۸۵، سورة يونس آیت نمبر۳۴، سورة بنى اسرائیل آیت نمبر ۹۹، سورة الانبياء آیت نمبر ۴۲، سورة الحج آیت نمبر۷۰، سورة المؤمنون آیت نمبر ۸۵،۸۶،۸۷،۸۸،۸۹، سورة النور آیت نمبر ۵۰، سورة الروم آیت نمبر ۳۵،۳۷ ،سورةالزمر آیت نمبر ۴۳، سورة المؤمن آیت نمبر ۸۱،۸۲، سورة المرسلات آیت نمبر۲۰،۲۵، اس فصل میں ان آیات میں اللہ تبارک وتعالیٰ نے اپنے بندوں سے سوال فرمایا ہے۔

اس فصل میں ہر آیت کو بیان کرنے کے بعد اس کی تفسیر پر روشنی ڈالی گئی ہے اور اس آیت میں استفہام کے استعمال کی وضاحت کی گئی ہے کہ ہر آیت میں اللہ تبارک و تعالیٰ کا سوال کرنے کے پیشِ نظر جو مقصد کارفرما تھا اس کو واضح کیا گیا ہے۔