تو بنا کے پھر سے بگاڑ دے،مجھے چاک  سے نہ اُتارنا
تری چوبِ چاک کی گردشیں مِرے آب و گِل میں اُتر گئیں
تِری اُنگلیاں مِرے جسم میں یونہی لمس بن کے گڑی رہیں
مجھے رکتا دیکھ کے کرب میں کہیں وہ بھی رقص نہ چھوڑ دے
تِرا زعمِ فن بھی عزیز ہے، بڑے شوق سے تُو سنوار لے
تِرے"سنگِ چاک" پہ نرم ہے مِری خاکِ نم، اِسے چُھوتا رہ
مجھے گوندھنے میں جو گُم ہوئے تِرے ہاتھ، اِن کا بدل کہاں
تِرا گیلا ہاتھ جو ہٹ گیا مِرے بھیگے بھیگے وجود سے

رہوں کوزہ گر ترے سامنے، مجھے چاک سے نہ اُتارنا
مِرے پاؤں ڈوری سے کاٹ کے مجھے چاک سے نہ اُتارنا
کفِ کوزہ گر مِری مان لے، مجھے چاک سے نہ اُتارنا
کسی گردباد کے سامنے، مجھے چاک سے نہ اُتارنا
مِرے پیچ و خم، مِرے زاویے، مجھے چاک سے نہ اُتارنا
کسی ایک شکل میں ڈھال کے، مجھے چاک سے نہ اُتارنا
کبھی دستِ غیر کے واسطے، مجھے چاک سے نہ اتارنا
مجھے ڈھانپ لینا ہے آگ نے، مجھے چاک سے نہ اتارنا