بتاؤ کون کہتا ہے, محبت بس کہانی ہے
محبت کو خدارا تم ,کبھی بھی کھیل مت سمجھو
محبت پھول کی خوشبو, محبت  رنگ تتلی کا
محبت اک اشارہ ہے, وفا کا استعارہ ہے
زمیں والے! بتاؤ کس طرح سمجھیں محبت کو
محبت روشنی ہے, رنگ ہے, خوشبو ہے , نغمہ ہے
محبت ماؤں کا آنچل, محبت باپ کی شفقت
محبت ہے بہن کی اور ہے بھائی کی الفت بھی
محبت حق کا کلمہ ہے, محبت چاشنی من کی
محبت تو ازل سے ہے,محبت تا ابد ہوگی
فنا ہو جاۓ گی دنیا, فنا ہو جائیں گے ہم تم
محبت کا احاطہ اور کن الفاظ سے ہوگا

محبت تو صحیفہ ہے, محبت آسمانی ہے
محبت معجزہ ہے معجزوں کی ترجمانی ہے
محبت پربتوں کی جھیل کا شفاف پانی ہے
محبت اک ستارہ ہے, فلک کی بیکرانی ہے
محبت تو زمیں پر آسمانوں کی نشانی ہے
محبت اڑتا پنچھی ہے, محبت بہتا پانی ہے
محبت رب کی رحمت کا جہاں میں نقش ثانی ہے 
محبت کھیلتا بچہ ہے اور چڑھتی جوانی ہے
محبت روح کا مرہم, دلوں کی حکمرانی ہے
محبت تو ہے آفاقی,زمانی نہ مکانی ہے
محبت باقی رہ جاۓ گی,یہ تو جاودانی ہے
محبت تو محبت ہے,محبت زندگانی ہے