مجھے جب زندگی کے حسن کا ادراک کرنا ہو

مجھے جب آسماں کی وسعتوں سے بات کرنی ہو

مجھے پھولوں ستاروں سے کوٸ منظر سجانا ہو

مجھے خوشبو سے مہکے موسموں کو گھر بلانا ہو

مجھے رنگوں کی دلکش وادیوں کی سیر کرنی ہو

مجھے آواز کے جادو میں جب بھی ڈوب جانا ہو

مجھے کتنی سہولت ہے

میں ان پھیلی ہواٶں میں بس اک پیغام لکھتا ہوں

میں ان خالی فضاٶں میں تمہارا نام لکھتا ہوں

مجھے ہر سو جمالِ خواب کی برسات ملتی ہے

تمہاری یاد سے مجھ کو ، یہ کاٸنات ملتی ہے

مجھے کتنی سہولت ہے