ہے کوئی سوگوار، تو کوئی خفا لگے
میرا وہ ہمسفر ہے تو دنیا کو کیا لگے
۔پنچھی خزاؤںمیں بھی اسی کا کریں طواف
یعنی کسی   درخت کو  تیری دعا لگے
آب و ہوا پہ چھانے لگی ہے شگفتگی
موسم بھی تیرے حسن میں اب مبتلا لگے
آنے لگی صدا، کہ مدد چاہیے ہمیں
ہم بھی عظیم لوگ تھے،کوفے سے جا لگے
سہتے ہیں اضطراب مگر توڑتے نہیں
گلشن میں کوئی پھول اگر بے وفا لگے
مر جائے گا مگر نہیں بیچے گا وہ ضمیر
کشمیر! جس وجود کو تیری ہوا لگے
اک عکس اُس میں کھلتے ہی تصویر ہو گیا
گھر میں جو آئنہ مجھے سب سے جدا لگے