دل سے اک شخص کی یادوں کو رہا کرتے ہوئے
مر ہی جاوں نہ کہیں اس کو قضا کرتے ہوئے
تو کہ معبود سے نگران بھی سکتا ہے
میں نے سوچا ہی نہ تھا تجھ کو خدا کرتے ہوئے
ہاتھ اٹھاتے ہوئے وہم و گماں میں بھی نہ تھا
لب پہ اک نام جو آیا ہے دعا کرتے ہوئے
ہر کہانی کے قلم کار نے کیوں مار دیے
سارے کردار محبت میں وفا کرتے ہوئے
ہاتھ میں رنگ رکھا  ، باد صبا پر آنکھیں
پھول سے پھول کی خوشبو کو جدا کرتے ہوئے
شہر کا شہر ہی ویران نہ ہو جائے کہیں
میرے اک خواب کو تعبیر نما کرتے ہوئے
اب تو میں لوٹ کے جنگل میں نہیں جا سکتا
کھو گیا ہوں میں ترے گھر کا پتا کرتے ہوئے
تو کہے تو میں ترے دل سے نکل جاتا ہوں
میں نے جنت بھی چھوڑی تھی خطا کرتے ہوئے
آندھیوں سے تو مری جنگ نہیں ہے کوئی
شمع تو بجھنے نہ دی ذکر ہوا کرتے ہوئے
میں نے خیرات میں بھی پیار ہی مانگا ہے عدید
سوچتے کیا ہے سخی مجھ پہ عطا کرتے ہوئے