اس سے آگے تقدس کا آغاز ہے

اس سے آگے تقدس کا آغاز ہے

اس سے آگے تو حیرت بچی ہے محض

یہ ترے وصف لفظوں کی حد سے ورا ہو گٸے

یہ تری بات ایسے امر ہو گٸی

روشنی سے بھرا ،رنگ اور نور کا

پاس میرے کوٸ استعارہ نہیں

دور پھیلے ہوۓ آسماں کی قسم

اس کا مہتاب ایسا منور نہیں

اس پر اتنا درخشاں ستارہ نہیں

اس سے آگے کی ترتیب میں بس مرا عجز ہے

خامشی کے غلافوں میں لپٹا ہوا

عشق قطرہ تھا اک

قلزمِ حسن سے

آخرش جا ملا

اس سے آگے مناجات کا وقت ہے

اس سے آگے تقدس کا آغاز ہے