ظلمت سے الجھ پڑنا دامن کو جلا لینا

آ یا نہیں لوگوں کو جگنو سے دعا لینا

دکھ درد نکلتا ہے دکھ درد سنانے سے

تصویر کو کیا کرنا تصویر سے کیا لینا

بالی ترے کانوں کی جھومر ترے ماتھے کا

فتنوں کو ہوا دینا محشر سا اٹھا لینا

یہ رفض ہمارا تھا یہ رفض ہمارا ہے

یا عشق مدد کرنا یا عشق بچا لینا

دنیا کی پہنچ اتنی دنیا کا ہنر اتنا

رستوں کو جدا کرنا دیوار اٹھا لینا

ارمان رہا دل میں حسرت ہی رہی دل میں

اس پیکر ۔مرجاں کو سینے سے لگا لینا

اک عمر گزاری ہے قاسم اسی الجھن میں

دروازہ کھلا رکھنا زنجیر گرا لینا