Home > نقش فریادی اپریل تا جون 2023 > غزل
غزل
Chapter Info
Authors
ARI Id
1695782983289_56118480
Access
Open/Free Access
Pages
71
فرنگی تیرے ہر دربار سے انکار کرتا ہوں
سنو میں منتِ اغیار سے انکار کرتا ہوں
مری نسلوں کی آزادی جو گروی رکھ کے آ جائے
میں اس ننگِ وطن سردار سے انکار کرتا ہوں
مری ہر ایک جنبش پر ہے میری سوچ کا پہرہ
فسادی قوم کے افکار سے انکار کرتا ہوں
مرے عزم و یقیں کی ترجمانی جو نہیں کرتی
میں ایسی کھوکھلی للکار سے انکار کرتا ہوں
مرے بازو کی طاقت ہی کنارے پر لگائے گی
بھنور میں ہوں مگر پتوار سے انکار کرتا ہوں
مری مٹی بھی سونا ہے مجھے کیسے خریدو گے
تمھارے درہم و دینار سے انکار کرتا ہوں
جو اپنے جھوٹے وعدوں سے محل تعمیر کرتا ہے
میں ایسے کھوٹے منصب دار سے انکار کرتا ہوں
مری غیرت کے بدلے میں جو میرے نام ہو جائے
میں ایسی خلعت و دستار سے انکار کرتا ہوں
مرے الفاظ کی صابر دلوں پر حکمرانی ہے
قلم پکڑا ہے میں تلوار سے انکار کرتا ہوں
Table of Contents of Book
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |
Similar Books
Loading...
Similar Chapters
Loading...
Similar Thesis
Loading...
Similar News
Loading...
Similar Articles
Loading...
Similar Article Headings
Loading...