ہفت افلاک کا عنوان ہوا کرتا تھا : جب ستارہ مر ا ذیشان ہوا کرتا تھا

چین اس کو بھی گھڑی بھر کو میسر نہیں تھا : اُن دنوں میں بھی پریشان ہوا کرتا تھا

اُن دنوں دھول تھی اتنی نہ دھؤاں پھیلا تھا : دیکھ لینا تجھے آسان ہوا کرتا تھا

خال و خد حسن کا معیار بڑھا دیتے ہیں : میں اُسے دیکھ کے حیران ہوا کرتا تھا

پھر کسی نے دلِ ویران کا در باز کیا : یہ علاقہ تو بیابان ہوا کرتا تھا

ہے کوئی اُس سا حسیں شخص تو آگے آئے

پورے کیمپس میں یہ اعلان ہوا کرتا تھا

٭

آج محفل میں اسے دیکھ کے یاد آئی بہت

داستاں چاند کی جو ہم نے سنی نانی سے

اس ستم گر سے مجھے زخم ملیں گے جتنے

وہ منالے گا مجھے اتنی ہی آسانی سے

جب سے آئے ہیں خریدار چراغوں کے  نوید

تیرگی بڑھنے لگی شہر  میں تابانی سے