میں نے محبت کو دیکھا

میں نے محبت کو دیکھا'

اس کی نیم وا آنکھوں کے

          پھیلے سمندروں میں'

میں نے محبت کو دیکھا'

بچھڑتے وقت اس کے لبوں کی کپکپاہٹ میں'

میں نے محبت کو دیکھا'

خزاں زدہ شاخ پہ اٹکے زرد پتوں میں'

میں نے محبت کو دیکھا '

اسکی آنکھوں سے چھنتی سورج کی کرنوں میں'

میں نے محبت کو دیکھا'

اسے میرے کپ سے چائے کا آخری    گھونٹ پینے میں'

میں نے محبت کو پھیکا پڑتے دیکھا'

پرانی البم کی مدھم ہوتی تصویروں میں'

تصویروں کی اکھڑتی پرتوں میں'

دیواروں پہ ٹنگی پرانی تصویروں کے

اچانک ٹوٹ گرنے میں۔