پاکستانی معاشرے میں حدود وقصاص قوانین سے واقفیت اور ان پر عمل درآمد کے حوالے سے عوامی شعور کی کمی ہے، جس کی وجہ سے لوگ ان قوانین کے نفاذ کے لیے جدوجہد نہیں کرتے ہیں اور نہ گرم جوشی کا مظاہرہ کرتے ہیں۔ صحیح معنوں میں لوگ شریعت کی روح سے واقفیت رکھتے ہی نہیں۔ وہ اسلام کو صرف عبادات اور اخلاقیات کا مجموعہ سمجھتے ہیں ۔ اسلام تو حقوق اللہ اور حقوق العباد دونوں کا مجموعہ ہے ۔ عبادت سے تو صرف جنت ملتی ہے اور خدمت سے خدا ملتا ہے ۔ اس فلسفہ سے آگاہی ہر شخص کو نہیں۔ لہذا اس امر کی ضرورت ہے کہ عوام الناس میں اسلامی معاشرے کی اخلاقی اقدار کے تحفظ ، انسانیت کی خدمت کا جذبہ بیدار کیا جائے ، تاکہ اسلامی قوانین کے نفاذ میں کوئی رکاوٹ پیدا نہ ہو۔