مولانا سید احمدمہاجر مدنی
ہمیں یہ معلوم کرکے بے حد افسوس ہواکہ پچھلے دنوں حضرت مولانا حسین احمد صاحب مدنی کے برادر بزرگ مولانا سید احمد صاحب مہاجر مدنی جوار نبوی میں ایک عرصہ مدید کے قیام ہجرت کے بعد پچھلے دنوں رہ گزائے عالم جادوانی ہوگئے۔ آں ممدوح کی تعریف میں مختصراً یہ کہنا کافی ہوگا کہ آپ صحیح معنی میں مولانا حسین احمد صاحب کے بڑے بھائی تھے۔عادات واطوار میں اسلاف کرام کا نمونہ تھے۔آپ کا عظیم الشان کارنامہ مدینہ طیبہ میں ایک شاندار دینی وصنعتی مدرسہ کاقیام ہے جس میں اس بلدۂ مطہرہ کے غریب بچے دینی اور صنعتی تعلیم حاصل کرکے سامان معادومعاش پیداکرتے ہیں۔ حق تعالیٰ آں مرحوم کوصدیقین و شہدا کے مراتب عالیہ سے شرف اندوز فرمائے اورپسماندگان کوصبر جمیل کی توفیق ارزاں ہو۔ رحمہ اﷲ رحمۃً واسعۃ ً۔ [جنوری ۱۹۴۰ء]