ڈینی سن راس
ہندوستان کے ایک مشہور ادیب وشاعر کے ساتھ یورپ کے ایک نامور مستشرق کابھی ماتم کرناہے۔ان کانام ڈینی سن راس تھا۔سرکاخطاب رکھتے تھے۔ عربی اورترکی ادبیات پراُن کی نظر وسیع تھی۔لندن کے مشہور اسکول آف اورینٹل اسڈیز کے ڈائریکٹر رہے اوراس سے پہلے مدرسہ عالیہ کلکتہ کے بھی پرنسپل رہ چکے تھے۔ اورپھر سب سے بڑی بات یہ ہے کہ اس علم وفضل کے باوصف مارگیولیوتھ ایسے متعصب مستشرقین کے برخلاف سرڈینی سن راس مسٹر آرنلڈ کی طرح اسلام اورمسلمانوں کے ساتھ ایک بڑی حد تک دوستانہ روش رکھتے تھے۔افسوس ہے گذشتہ ماہ اُن کے انتقال سے یورپ کے علمی حلقے السنۂ مشرقیہ کے ایک نامور فاضل سے محروم ہوگئے۔ [اکتوبر۱۹۴۰ء]