1676046603252_54338564
Open/Free Access
36
مولانا حیدر حسن خاں ٹونکی
افسوس ہے ۳۱/مئی ۱۹۴۲ء کومولانا حیدر حسن خاں صاحب ٹونکی نے جو ہندوستان کے مشہور محدث اورعالم تھے اپنے وطن ٹونک میں وفات پائی۔مولانا مرحوم علوم عقلیہ ونقلیہ کے جامع اورماہر تھے۔قدیم طرزِتعلیم کے مطابق شروع شروع میں آپ کو منطق، فلسفہ اورریاضیات کے ساتھ زیادہ اشتغال رہالیکن بعد میں انھوں نے اپنی پوری زندگی حدیث کے درس و تدریس اوراس کی خدمت کے لیے وقف کردی تھی، علوم ظاہریہ کے علاوہ مکہ معظمہ جا کرباطنی سلوک و معرفت کافیض حضرت حاجی امداداﷲ صاحب مہاجر مکیؒ سے حاصل کیا تھاجس سے آخر دم تک ان کی روحانیت کاچراغ روشن رہا۔علمی وعملی کمالات کے ساتھ فضائل اوراخلاق کا پیکر تھے۔ نہایت حلیم،متواضع،منکسر اورعالی حوصلہ بزرگ تھے انھوں نے اپنی علمی خودداری کوکبھی طمع وجاہت وشہرت یاجذبۂ جلب زر کے آستانہ پر رسواکرنا گوارا نہیں کیا۔اس قسم کے جامع الفضائل علماء اب کہیں کہیں شاذ و نادر ہی نظر آتے ہیں، اس بنا پر مولانا مرحوم کی وفات اسلامی دنیائے علوم کا ایک عظیم حادثہ ہے۔دعاہے کہ حق تعالیٰ آں مر حوم کو صدیقین وشہداء کامقام جلیل عطا فرمائے۔ [اگست ۱۹۴۲ء]
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |