1676046603252_54338577
Open/Free Access
46
سید شاہ محمد محی الدین پھلواروی
افسوس ہے پچھلے مہینہ اپریل کی ۲۲؍ تاریخ کوصوبۂ بہار کے امیر شریعت اورپھلواری شریف کی خانقاہِ مجیبیہ کے سجادہ نشین مولانا الحاج السید شاہ محمد محی الدین صاحب نے صبح کے وقت تقریباً آٹھ بجے وفات پائی۔مولانا علم وعمل، تقوی وطہارت اوراخلاق وعادات کے اعتبار سے علمائے سلف کانمونہ تھے۔ آپ کاروحانی اوراخلاقی فیض واثر بہت وسیع تھا اور آپ کی ذات لاکھوں مسلمانوں کی عقیدت وارادت کامرکز تھی۔اب جبکہ وقت آرہاتھا کہ امارتِ شریعت کاادارہ سیاسی محکومیت کی بندشوں سے آزاد ہوکر اپنے فرائض وواجبات صحیح طور پرانجام دے سکے۔آپ ایسے بزرگ کا رحلت کرجانا مسلمانوں کے لیے جس قدر بھی افسوس اور رنج والم کاباعث ہوکم ہے۔ بہرحال مشیتِ ایزدی میں کسی کوکیا مجالِ دم زدن ہے۔ اﷲ تعالیٰ حضرت مرحوم کوجنت الفردوس میں مقامِ جلیل عطافرمائے اور بیش از پیش نعمتوں اورنوازشوں سے سرفراز فرمائے ۔آمین۔
اسی شمارہ میں مولانا مرحوم کے حالات وسوانح پرایک مختصر مقالہ بھی شریکِ اشاعت ہے۔ [مئی ۱۹۴۷ء]
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |