مرزا فرحت اﷲ بیگ دہلوی
اس مہینہ کاایک ادبی حادثہ مرزا فرحت اﷲ بیگ دہلوی کی وفات ہے۔ مرزاصاحب مولوی نذیر احمد صاحب دہلوی کے شاگرد تھے لیکن حق یہ ہے کہ زبان کی شگفتگی، انداز بیان کی دلکشی اورعبارت کی چستی و حلاوت میں شاگرد استادسے سبقت لے گیا تھا۔ اب ملک میں جس قسم کے ادیب پیداہورہے ہیں اس کے پیش نظر توقع نہیں کہ کوئی آئندہ’’دلی کا آخری مشاعرہ‘‘یا’’پھول والوں کی سیر‘‘کی پرانی داستانیں اس کمال سحرکاری کے ساتھ سُنا سکے گا۔اﷲ تعالیٰ مرحوم کی مغفرت فرمائے اورپسماندگان کوصبرجمیل کی توفیق ارزاں ہو۔
[مئی۱۹۴۷ء]