1676046603252_54338632
Open/Free Access
85
ڈاکٹر خلیفہ عبدالحکیم
افسوس ہے کہ گزشتہ مہینہ ڈاکٹر خلیفہ عبدالحکیم کاحرکت قلب کے بند ہو جانے سے انتقال ہوگیا۔موصوف اردواورانگریزی دونوں زبانوں کے نامور مصنف، ادیب اورایک بلندپایہ فلسفی تھے۔ عرصہ تک جامعہ عثمانیہ حیدرآباد میں شعبۂ فلسفہ کے صدر رہے۔ اُن کے فکر ونظر کاخاص موضوع فلسفۂ اقبال تھا۔ چنانچہ اس موضوع پرمتعدد وقیع اورمعلومات آفریں مقالات کے علاوہ انھوں نے ’’فکر اقبال‘‘کے نام سے ایک نہایت بلندپایہ اور سلجھی ہوئی کتاب پچھلے چند برسوں میں لکھی تھی جو اقبالیات کے وسیع لٹریچر میں شاہکار کی حیثیت رکھتی تھی۔ اقبال کے علاوہ مولانا جلال الدین رومیؔ کے کلام پر بھی اُن کی نگاہ بڑی گہری اور ٹھوس تھی۔اس سلسلہ میں اُن کی کتاب’’حکمت رومی‘‘ بڑی وقیع اورخاص چیز ہے۔ علاوہ بریں اُن کی انگریزی کتاب’’اسلامک اڈیالوجی‘‘بھی مجموعی اعتبار سے بڑی لایق قدرہے۔گذشتہ چند برسوں سے وہ ادارۂ ثقافت اسلامیہ لاہور کے ڈائرکٹر اورادارہ کے ماہنامہ’’ثقافت‘‘کے ایڈیٹر تھے۔ اُن کی تحریر شگفتہ اورمتوازن و معتدل ہوتی تھی۔مزاج مرنج ومرنجان پایا تھا۔اُن کی وفات علم وادب کے لیے ایک بڑاسانحہ ہے۔ اﷲ تعالیٰ مرحوم کومغفرت وبخشش کی نعمتوں سے سرفرازفرمائے۔ [فروری ۱۹۵۹ء]
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |